ЦАГДААГИЙН БАЙГУУЛЛАГЫН СУЛ ОРОН ТООГ НӨХӨХ МЭРГЭШЛИЙН ШАЛГАЛТ ӨГЧ, АЖИЛД ОРОХ ИРГЭД
Төв аймаг дахь Цагдаагийн газар нь саатуулах байрны их /бага эмч, хэв журмын цагдаа, цагдаа жолоочийн орон тоонд сонгон шалгаруулалт зарлаж байна. Тавигдах ерөнхий шаардлага:
-Саатуулах байрны их /бага/ эмчээр тусгай дунд болон дээд боловсролтой бага эмч, их эмч мэргэжилтэй, эмчлэх үйл ажиллагаа явуулах хүчин төгөлдөр зөвшөөрөлтэй, 30 хүртэлх насны эрэгтэй, эмэгтэй,
-Хэв журмын цагдаагаар эрх зүйн болон эрх зүйн бус дээд боловсролтой, биеийн өндөр 170 см буюу түүнээс дээш, 30 хүртэлх насны эрэгтэй,
-цагдаа жолоочийн орон тоонд 3-аас доошгүй жил тээврийн хэрэгсэл жолоодсон. В, С ангилалтай эрэгтэй, иргэдийг сонгон шалгаруулахаар 2016 оны 02 дугаар сарын 23-ныг хүртэл бүртгэж байна. Утас: 94024090, 70273814
Хүсэлт гаргасан иргэн дараах бичиг баримтыг бүрдүүлэнэ:
а/цагдаа, дотоодын цэргийн байгууллагад ажиллаж, суралцахыг хүссэн хувийн өргөдөл;
б/гурван үеийн түүх /Өөрийн, төрсөн эцэг, эх, эцгийн эцэг, эх; эхийн эцэг, эх; эхнэр /нөхөр/-ийн гэсэн 8 хүний намтрыг өөрийн гараар дэлгэрэнгүй бичнэ/;
в/иргэний үнэмлэх болон төрсний гэрчилгээ, түүний нотариатаар баталгаажуулсан хуулбар;
г/Суурь, бүрэн дунд, бакалаврын боловсролын үнэмлэх, түүний нотариатаар баталгаажуулсан хуулбар;
д/сурагчийн хувийн хэрэг;
е/эрүүл мэндийн үзлэгийн дүгнэлт бүхий хуудас; /цээжний зураг, элэгний ВС вирусын болон ДОХ, шээсний, цусны дэлгэрэнгүй шинжилгээний хариу, дотор болон элэг эход харуулсан эмчийн бичиг /
ж/оршин сууж буй баг хорооны Засаг дарга, хэсгийн байцаагч, төлөөлөгчийн тодорхойлолт;
з/ял шийтгэлийн лавлагааны сангаас авсан ял шийтгэлтэй эсэх тухай тодорхойлолт болон цагдаагийн газар, хэлтэст гэмт хэргийн учир шалгагдаж байсан эсэх талаар авсан лавлагаа; /Цагдаагийн газар нэгдсэн журмаар авах тул иргэдээс авах шаардлагагүй/
и/урьд нь ажиллаж, суралцаж байсан бол тухайн байгууллагын тодорхойлолт;
к/төрийн алба хаагчийн анкет /маягт 1, 2/;
л/сүүлийн 3 сарын хугацаанд авахуулсан цээж зураг /4х6 хэмжээтэй 4 хувь, 3х4 хэмжээтэй 8 хувь/;
м/эрүүл мэндийн даатгалын дэвтэр;
н/нийгмийн даатгалын болон хөдөлмөрийн дэвтэр.
и/ жолооны үнэмлэхний баталгаажуулсан хуулбар.
й/ өргөдлийн маягт бөглөж, баталгаа гаргах /Цагдаагийн газраас олгоно/