“МАЛ ХУЛГАЙЛАХ ГЭМТ ХЭРГЭЭС УРЬДЧИЛАН СЭРГИЙЛЭХ ОЛОН ТАЛТ ХАМТЫН АЖИЛЛАГАА" бүс нутгийн зөвлөгөөн Төв аймгийн Зуунмод суманд зохион байгуулагдаж байна.
Төв аймгийн ИТХ, Гэмт хэргээс урьдчилан сэргийлэх салбар зөвлөлөөс Мал хулгайлах гэмт хэрэгтэй тэмцэх, урьдчилан сэргийлэх хөтөлбөрийн хэрэгжилтийг хангах энэ төрлийн гэмт хэргийг бууруулахад бүс нутгийн хамтын ажиллагааг сайжруулах үүднээс “Мал хулгайлах гэмт хэргээс урьдчилан сэргийлэх олон талт хамтын ажиллагаа” сэдэвт бүс нутгийн зөвлөгөөнийг хил залгаа Хэнтий, Говьсүмбэр, Дундговь, Өвөрхангай, Булган, Сэлэнгэ зэрэг 7 аймаг, Улаанбаатар хотын 7 дүүрэгтэй хамтран зохион байгуулж байна.
2014 оноос хойш сүүлийн 5 жилийн байдлаар нийт 593 удаагийн мал хулгайлах гэмт хэрэг бүртгэгдсэнээс 261 хэрэг бүртгэгдсэнээс 32,8 хувь нь өмнө ял шийтгэл эдэлж байсан оршин суугаа хаягаар нь авч үзэхэд 75% нь Улаанбаатар хот, 44% нь Төв аймаг, 9%нь бусад орон нутгийн харьяалалтай байна.
Тус зөвлөгөөнөөс Хууль зүй дотоод хэргийн яам, Монгол улсад Гэмт хэргээс урьдчилан сэргийлэх ажлыг зохицуулах зөвлөл, Хүнс, хөдөө аж ахуй, хөнгөн үйлдвэрийн яам, Аймаг сумын ИТХ, Засаг дарга, ГХУСАЗЗөвлөл, Цагдаагийн газар болон хууль хяналтын байгууллага, Иргэд олон нийт, малчид, малчдын бүлэгт зөвлөмж гаргаж хүргүүлнэ.